الاطفال انواع

الاطفال في سلوكهم وتصرفاتهم ونفسيتهم .. لذلك تجد نماذج مختلفه من الأطفال منها :-

الطفل الهادي
هذا الطفل ماله صوت ابد .. وين ماتحطه تلقاه .. احياناً يهملونه اهله .. لانهم ناسينه ..واحياناً يلقى اهتمام زائد من اهله .. لو يموت من الجوع ماتكلم .. في كثير من الاحيان تلقى اهله ناسينه بالسوق او عند الاقارب اثناء الزيارات ..
الطفل القوي
اهله دائماً في احراج و مشاكل مع الناس .. هرمون الاجرام مرتفع بنسبة عالية في جسمه .. في كل جبهة طفل في ( منطقتهم ) تلقى له أثر وتوقيع .. يمثل القائد والفتوه .. يهابونه الاطفال .. يتقرب منه الكبار ويتوددون له حفاظاً على سلامة اطفالهم ..

الطفل الفتّــان
تجد عند هذا النوع جميع اخبار المنزل والجيران .. يجد المتعه في اذلال غيره بالفتنه عليه .. ماله خاتمه .. هذا الطفل حتى لو شريت سكوته بفلوس .. توقع تلقى اخبارك ثاني يوم في الصفحه الرئيسية ..
في الجريدة الرسمية ..

الطفل الدلوع
هذا دلوع ماما وبابا .. يكرهونه باقي الاطفال لانه مرفه وشايف نفسه عليهم.. تلبى رغباته قبل ليطلبها .. شخصيته اتكاليه جداً ..

الطفل البريء
في المنزل تجده حبوب وطبيعي 100 % وولوف لكن مع د***ه المدرسة .. ( تنمحي ) شخصيته ..
فتكثر الاصابات في وجهه .. لأنه لايستطيع الدافع عن نفسه ..

الطفل العنيد
يطبق نظام البيت بالعناد .. يسوي اللي براسه .. مايخاف من الأب أو الأم .. لو قلت له هذا خطر لاتقربه .. عناد فيك يسويه .. يُــضرب كثيراً في طفولته .. ومع ذلك عنيد مايغير رايه ..

الطفل المادي
هذا الطفل مايرد السلام الا ( بفلوس ) .. تعامله مع اهل المنزل .. مادي بحت .. يستخدمونه لتوصيل طلبات المنزل .. ونقل السوالف.. وكل شي بحسابه ..

الطفل اللزقه
تلقاه مسنتر عند باب البيت .. محد يطلع الا وهو لازق معاه ..حتى الضيوف من الممكن تلقاه يلزق فيهم
ويطلع معاهم .. يـُـضرب كثيراً .. وخاصه من اخوانه اللي اكبر منه .. او خواته .. لانه عباره عن رادار على طلعاتهم ..احياناً يضطرون يطلعون من نافذة المنزل للهروب منه .. ولكن للأسف يجدونه بانتظارهم في السيارة .. ويسألهم ليش تأخرتوا عليّ ..

الطفل العله
يزعجك بأسئلته الي ماتنتهي .. يستفسر من كل شي .. حتى لو ابتسمت .. قالك شلون ابتسمت .. وليش ابتسمت .. وشلون تكونت البسمه .. يحرجك احياناً .. ويمكن دائماً بأسئلته .. مره تجاوب عليه ومره تسفهه .. واكثر الاوقات ماتلقى اجابه لاسئلته .. لانك في الحقيقه تجهلها ..

الطفل الداج
هذا الطفل مستحيل يجلس في المنزل .. يعيش في الشارع اكثر من بيته .. خبره ودليل في كل ممر وطريق .. يعرف طول الشارع بالسنتيمتر والكيلومترات والاميال .. من الممكن ان يصبح اذا كبر مهندس طرق ..

الطفل الملسون
يستانسون اهله على سوالفه .. فصيح جداً .. ويلقط العبارات والمفردات بسرعة مذهله .. يسبب احراج دائم لأهله .. من الممكن ان يقول كلمة بالغلط للضيوف او الاقارب ..يتميز احياناً بقلة الذووق والوقاحة اذا انفعل .. لاينصح بأستفزازه ابداً ..

الطفل الانانى
يحب ان ياخذ كل شئ .. تجد اطفال يبكون منه لاخذ العابهم .. وتجده كثير البكاء والطلبات .. غير محبوب .. يضربه ابواه كثير ..